Колледж туралы

Колледж миссиясы: Кәсіби құзыретті, бәсекеге қабілетті, рухани құндылықтарды бойына сіңірген мамандар даярлау.

Мақсаты: Заманауи жаңартылған білім беру мазмұнының талабына сай, ұлттық және жалпыадамзаттық құндылықтарды бойына сіңірген шығармашыл тұлға даярлау.

«Жезқазған гуманитарлық колледжі» КМҚК – Қарағанды облысы білім беру басқармасының коммуналдық мемлекеттік қазыналық кәсіпорны болып табылады. Мекеменің құрылтайшысы - Қарағанды облысы әкімдігі. Жезқазған гуманитарлық колледжі білікті мамандарды бір арнаға тоғыстырған, заманауи материалдық-техникалық және оқу-әдістемелік жабдықтармен жасақталған, сапалы білім беруде алдыңғы қатарлы оқу орындарының бірі. Білім беру қызметін жүзеге асыру түрі – күндізгі және сырттай.

«Жезқазған гуманитарлық колледжі» КМҚК 1966 жыл 24 мамырда Қазақ ССР Министрлер Советінің №851-Р жарлығымен Жезқазған педагогикалық училищесі болып ашылған.

Жезқазған педагогикалық училищесі Қазақстан Республикасы Білім министрлігінің «Орта арнаулы оқу орындарының атауын өзгерту жөнінде» 08.06.1994 ж. №8 бұйрығы негізінде Жезқазған педагогикалық колледжі болып ауысты.

Қазақстан Республикасы Білім министрлігінің 12.12. 1996 ж. №6 «Орта арнаулы оқу орнының атын өзгерту жөніндегі» бұйрығы негізінде Сәтбаев қаласындағы мәдени-ағарту колледжі, Жезқазған қаласындағы музыкалық колледждермен біріктіріліп, Жезқазған педагогикалық колледжі Жезқазған гуманитарлық колледжі болып өзгертілді.

«Жезқазған гуманитарлық колледжі» коммуналдық мемлекеттік қазыналық кәсіпорнының құрамынан Қарағанды облыстық білім беру басқармасының 2000 ж. 17.03. № 94 «Жезқазған музыкалық колледжі» коммуналдық мемлекеттік қазыналық кәсіпорны статусын беру арқылы музыкалық бөлімді бөлу және қайта құру жөніндегі» бұйрығы негізінде «Жезқазған музыкалық колледжі» коммуналдық мемлекеттік қазыналық кәсіпорны статусын беру арқылы музыкалық бөлімді бөліп және қайта құрды.

1966 жылы өз жұмысын бастап, алғашқы шәкірттерін қабылдаған білім ордасы бүгінгі күнге дейін өзінің 10 мыңнан аса түлегін ұшырды. Колледж түлектері Қазақстан елінің интеллектуалды және шығармашылық әлеуетін көрсететін білім беру, ғылым, мәдениет салаларында жұмыс атқаруда. 50 жылдан астам тарихы бар колледждің басым бағыты оқытуды инновациялық, ақпарттық-коммуникативтік технологиялар арқылы жүргізу, қазіргі заман талабына сай білім беру мазмұнын жаңартып отыру. Сонымен қатар, болашақ мамандардың бәсекеге қабілеттілігін арттыру мен кәсіби құзыреттіліктерін дамыту жұмысына бағытталған.

Колледж оқытушылары мен білім алушылары халықаралық, республикалық және облыстық кәсіби шеберлік сайыстарына қатысып, жүлделі орындарды иеленіп келеді.

Колледждің ақпараттық кеңістігі де қарқынды дамыған, кабинеттер қазіргі заманғы озық технологиялармен жабдықталған.

Еңбек нарығында қажеттілікті анықтайтын негізгі факторлардың бірі, колледждің қазіргі заманғы материалдық-техникалық базасы, білікті оқытушылар және ұтқыр, икемді, сауатты студенттер болып табылады.

Қазіргі күні «Жезқазған гуманитарлық колледжі» КМҚК білім беру мекемесі ретінде кәсіби білім беруге мерзімі шектелмеген 2023 жылдың 20 қаңтарда берілген № KZ94LAA00033235 мемлекеттік лицензиясымен жұмыс жасауда. Лицензияға берілген қосымша барлық мамандықтар бойынша білім беру қызметін жүзеге асыруға мүмкіндік береді.

«Жезқазған гуманитарлық колледжі» ҚМҚК оқытушылары жаңартылған білім беру мазмұнын жан-жақты игеріп, өз қажеттіліктеріне тиімді пайдалана білетін маман иелері қызмет атқарады.

01 - Білім

011 Білім

0112 Мектепке дейінгі мекемелерге тәрбиешілерді даярлау

0110100 - Мектепке дейінгі тәрбие және оқыту

4S 0110102 - Мектепке дейінгі тәрбие мен оқыту ұйымдарының тәрбиешісі

0113 Пәндік мамандандырусыз оқытушыларды дайындау

0110300 - Қосымша білім беру

4S0110302 - Педагог-ұйымдастырушы

0114 Пән мамандануымен оқытушыларды даярлау

0110400 - Бастауыш білім беру педагогикасы мен әдістемесі

4S0110401 - Бастауыш білім беру мұғалімі